Авторлық құқық нысандарын белгілі бір түрде пайдаланатын жеке яки заңды тұлғалар пайдаланушылар болып табылады.

Пайдаланушылар шығармаларды пайдалану әдісіне қарай жіктеледі:

Кеңестік заман тұсынан бері авторлық сыйақы төлеп келе жатқан ұйымдар, яғни театрлар, филармониялар, концерттік бірлестіктер авторлық құқық нысандарын пайдаланатын дәстүрлі пайдаланушыларға жатады.

1996 жылы ҚР-ның Авторлық құқық және сабақтас құқықтар туралы Заңы қабылдануына байланысты туындыларды пайдаланғаны үшін сыйақы төлейтін жаңа пайдаланушы-төлемшілер қатарына – яғни эфир арқылы хабар таратушы, кабель арқылы хабар тараушы телерадиокомпаниялар кірді.

Жаңа цифрлық технологияның, соның ішінде Интернет тораптарының, шығуының нәтижесінде аталмыш Заңға 2004 жылы қажеттті өзгерістер енгізілді. Соған орай жалпы көпшілікке жеткізу, туындыларды ұялы телефондар үшін әуен түрінде қолдану, т.б. тәрізді пайдалану түрлері пайда болды.

Пайдаланушылардың қай-қайсысы болмасын, Қазақстан авторлары қоғамымен лицензиялық шартқа отырып, сонда нақты көрсетілген мөлшерде автордың сыйақысын төлеп тұруға міндетті (лицензиялық шарттың үлгісін сайттың орысша нұсқасынан қараңыз).