ҚазАҚ-тың құқықтық қызмет көрсететін бөлімі төмендегі міндеттерді атқарады:
- ҚазАҚ жұмысындағы заңдық тұрғыдағы істерді қамтамасыз етумен айналысады, қоғамның қызметіне қажет лицензиялық келісімдер мен өзге де шарттарды дайындайды. Нормативтік актілер мен нұсқаулықтардың жобасын жасайды.
- ҚазАҚ қызмет бабына байланысты халықаралық конвенцияларды, ҚР-ның заңдары мен өзге де нормативтік актілерін, сондай-ақ авторлық құқықты қамтамасыз ету саласындағы тәжірибені зерттеп, үйреніп, оларды өзіміздің қызметімізде пайдалануға атсалысады.
- Авторлар мен құқықиелерінің бұзылған құқығын қалпына келтіруде құқықтық көмек көрсетеді.
- ҚазАҚ-тың аумақтық бөлімшелері мен тексеруші-уәкілдеріне заңдық жәрдем береді.
- ҚазАҚ басшылығының тапсыруы бойынша мемлекеттік мекемелердің, жеке азаматтар мен заңды тұлғалардың, пайдаланушылар мен құқықиелерінің хаттарына, шағымдары мен ұсыныстарына жауап береді.
- Кез-келген категориядағы пайдаланушыларға тікелей түсіндіру жұмыстарымен, лицензиялық шартқа отырғызу шараларымен, талап ету, қуыну әрекеттерімен айналысады.
- Автор туындылары пайдаланылатын бүкіл салаларда құқық бұзушылықты анықтаудың, жазып алудың түрлері мен жолдарын ойластырып, оны ұйымдастырады.
- ҚазАҚ төрағасының тапсыруымен өкіл ретінде сотқа қатысады.
- Авторлық құқыққа қатысты мәселелер бойынша жазбаша және ауызша кеңес береді.
- Авторлар құқығын қамтамасыз етуге байланысты мемлекеттік өкілетті органдар тарапынан жүргізілетін шараларға атсалысып, ҚазАқ өкілі ретінде олардың тексерістеріне қатысады.
- Туындыларды сақтауға алып, сақтауға алынғаны туралы куәлік береді.
- ҚазАҚ басшылығының тапсыруы бойынша өзге де міндеттерді атқарады.
