Қазақстан авторлары қоғамы соңғы 2013-14 жылдар ішінде мүшелікте

жоқ авторлар мен марқұм авторлардың мұрагерлерін іздестіру бойынша өте қарқынды жұмыстар атқарды. Мәселен, 2013 жылы 221 автормен шарт жасасса, оның 123 іздеуде жүрген автор болатын; 2014 жылы 316 авторды шартқа отырғызса, оның 244 іздеудегі авторлар. Биылғы 2015 жылдың қаңтар айының өзінде 66 авторды тапқан болса, оның 60-ы бұрыннан іздеуде жүргендер. Олардың қатарында ұзақ жылдар бойына мұрагері табылмаған А. Шамкеновтың, Ғ. Ормановтың, М. Өскенбаевтың, З. Оспанованың, М. Әубәкіровтың, т.б. мұрагерлері бар. Мұрагерлерді іздестіруді бақылауда ұстау үшін, арнайы жұрнал ашылған. Дер кезінде мұрагерлікті рәсімдетіп алмаған жағдайда бұл тек сот арқылы жүзеге асатын болғандықтан, кейбіреулер әуресінен қашып, мүлдем айналыспайды. Мәселен, Мұхамеджан Рүстемовтың мұрагерлігін жасату 2 жылға созылған.